САД-Ирак

При поволен развој во Ирак,американскиот министер за одбрана Роберт Гејтс смета дека е можно бројот американски војници стационирани таму до крајот на идната година да се намали на 100 илјади. Секоја одлука за повлекување на трупите сепак ќе зависи од ситуацијата на теренот, изјави тој на прес конференција во Пентагон.Американскиот претседател Џорџ Буш претходно најави до средината на 2008 година да бидат повлечени повеќе од 20 илјади војници од Ирак.Мисијата во секој случај нема да заврши до крајот на неговиот мандат,потенцираше Буш.Во моментов во Ирак има околу 168 илјади американски војници.