САД - нови напади во Алжир

Американската амбасада во Алжир предупреди од можни нови терористички напади во главниот град на таа земја. Во соопштението упатено до американските граѓани се укажува дека како цели на напади би можеле да бидат Централната пошта и седиштето на алжирската телевизија.

Во нападите во средата во Алжир беа убиени најмалку 33 лица, а повеќе од 200 беа ранети. Одговорноста ја презеде терористичката група Ал Каеда во земјите на Магреб.