1. Прескокни до содржината
  2. Прескокни до главната навигација
  3. Кон други страници на DW

СДСМ: Уште една епизода во серијалот глумење на власта

ЖА/макфакс/миа1 март 2014

Предвремените избори се нова епизода од серијалот глумење конфликт за нивно предизвикување со Груевски како нарачател и Ахмети како извршител, реагираше опозицискиот СДСМ. Партијата најави подготвеност за изборите.

https://p.dw.com/p/1BI11
Фотографија: Petr Stojanovski

Јавноста во Република Македонија ја проследи последната епизода од серијалот глумење конфликт за предизвикување предвремени парламентарни избори, премиерно прикажан во 2011-тата година, стои во денешното соопштение (01.03.2014) на опозиционата СДСМ, откако претходно во текот на денот ВМРО-ДПМНЕ објави дека ја прифаќа фрлената ракавица на ДУИ за одржување предвремени парламентарни избори.

Притоа се наведува дека главните актери од серијалот се повторно во истите улоги. Премиерот Никола Груевски е нарачател, Али Ахмети, лидерот на ДУИ е извршител.

„Шестгодишната коалицијата помеѓу ВМРО ДПМНЕ и ДУИ е со катастрофални последици за Република Македонија. Државата е целосно уназадена. Казната за ваквите политики граѓаните ќе и‘ ја испорачаат на власта на претстојните избори“, се вели во соопштението.

ОД СДСМ истакнуваат дека се целосно подготвени за изборно соочување без оглед на, како што се наведува, карактерот на изборите.