1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Силен земјотрес во Кина

14 април 2010

Во земјотресот што утрово ја погоди кинеската провинција Чингаи, во близина на Тибет, загинаа 300 луѓе, а 8000 се повредени, јавија кинеските медиуми. Земјотресот имал јачина од 7,1 степени според Рихтеровата скала.

https://p.dw.com/p/MvnV
Фотографија: AP

Бројот на жртвите и повредените може да се зголемува. Се претпоставува дека под урнатините има многу жртви, бидејќи повеќето куќи се урнати, информираше портпарол на цантралата за заштита од катастрофи од Јушу, за новинската агенција ДПА.

China Erdbeben Qinghai April 2010 Flash-Galerie
Фотографија: AP

Според информации на радио станиците, во градот Јиегу уништени се меѓу 80 и 90 проценти од куќите. Во меѓувреме, се мобилизира помошта. Соседните провинции ги испраќаат своите тимови за помош при катастрофи. Владата во Пекинг најави дека ќе испрати 5.000 шатори, покривки и мантили. Ситуцијата во погодениот регион се опишува како хаотична.

Автор: АТ/ТТ/дпа

Редактор: Елизабета Милошевска Фиданоска