Совет за безбедност-Мијанмар

Специјалниот претставник на ОН Ибрахим Габари наредната недела ќе замине во посета на Мијанмар. Неговата задача е да го следи процесот на национално помирување меѓу военото раководство и опозицијата, што беше договорено за време на неговата прва посета на оваа земја. Русија и Кина синоќа во советот за безбедност спречија донесување на заострени мерки против властите во Мијанмар. Усвоена е само заедничка декларација со која се осудува бруталното задушување на демократските протести. Во текстот се повикува воениот режим да ги ослободи политичките затвореници и учесниците во протестите.