Состојбата на Шумахер и натаму критична
6 јануари 2014Во соопштението на болницата во Гренобл, кое пред новинарите го прочита менаџерката на Шумахер, Сабине Кем, се вели дека „состојбата на светскиот првак и рекордер во Формула 1 се смета за стабилна и постојано се следи“. Но, лекарскиот тим истакнува дека и понатаму состојбата на Шумахер ја смета за критична. Во соопштението се додава дека „приватноста на пациентите налага да не се изнесуваат детали за третманот. “
Француското обвинителство пак во меѓувреме соопшти дека ќе поднесе извештај за истрагата во врска со инцидентот на поранешниот шампион во Формула 1, Германецот Михаел Шумахер кој веќе втора седмица е во кома, на прес-конференција в среда, 8-ми јануари.
Скијајќи се надвор од патеките во француското одморалиште Марибел, Шумахер на 29-ти декември падна и со главата удрил во карпи. Автомобилскиот ас кој на 3-ти јануари наполни 45 години, се наоѓа во болница во Гренобл во состојба на индуцирана кома.
Обвинителството на градот Албертил, во департмантот Савоја, соопшти дека прес-конференцијата ќе е одржи во градската палата на правдата в среда, 8-ми јануари, во 11 часот по локално време. Претходно беше објавено дека истрагата ги проучувам снимките направени со камерата којашто била поврзана со шлемот на Шумахер.