1. Прескокни до содржината
  2. Прескокни до главната навигација
  3. Кон други страници на DW

Србија очекува кандидатски статус од ЕУ

27 февруари 2012

Шефовите на дипломатии на ЕУ денеска и утре во Брисел одлучуваат за кандидатскиот статус на Србија. Се очекува позитивна одлука по договорот меѓу Белград и Приштина.

https://p.dw.com/p/14AXH
Гидо Вестервеле и Борис ТадиќФотографија: Reuters

Шефовите на дипломатии на земјите-членки на ЕУ денеска го започнуваат дводневниот состанок на кој треба да дадат „политичко мислење“ за тоа дали Србија заслужува статус на кандидат за членство во ЕУ.

Денеска во Брисел ќе престојува српскиот претседател Борис Тадиќ кој има средби со првата дипломатка на Унијата Кетрин Ештон и со претседателот на Советот, Херман Ван Ромпој. Конечната одлука дали Белград ќе добие кандидатура ќе биде донесена утре, а истата треба да биде потврдена на самитот на шефови и влади на 1. март.

Се очекува позитивна одлука, имајќи го предвид договорот кој Белград го постигна со Приштина околу регионално претставување на Косово и заедничкото управување со граничните премини.

Германскиот министер за надворешни работи Гидо Вестервеле, кој минатата недела беше во посета на Белград, изјави дека Германија сака на средбата на Европскиот совет во март Србија да добие кандидатски статус за членство во ЕУ.

Автор: БГ/бета

Редактор: Жана Ацеска