Студот ја „стега“ Европа

Украинската влада соопшти дека 18 луѓе починале од студ во изминативе денови, откако земјата беше зафатена од поларен бран. Во Полска од премрзнатост починале десет лица. Поради тоа, отворени се дополнителни прифатни места за бездомниците. Четири лица починале, а две се сметаат за исчезнати како последица на големите студови во Србија и Бугарија. Во Бугарија најстудено беше во Чирпан, каде температурата падна на минус 24 степени. Првата жртва на студот во Македонија, синоќа била регистрирана во мариовскиот регион.

Студениот бран од Сибир предизвика спуштање на температурите и во Германија. Денеска во делови од земјата се измерени температури од минус десет степени.

Автор: БГ/ЕМФ/ап/дпа

Редактор: Е.М.Фиданоска