Судан – ОН

По повеќемесечен отпор, Судан даде согласност за распоредување мировни сили во кризниот регион Дарфур во кои ќе учествуваат ОН. Во изјава на ОН, Африканската унија и суданската влада се вели дека е потребен итен прекин на огнот. Трупите што треба да бидат распоредени во Дарфур треба да бројат до 20 илјади војници. Во Дарфур милиции поддржани од суданската влада се борат против бунтовниците, а жртва на конфликтот е пред се‘ цивилното население. Според проценки на ОН, досега загинале над 200 илјади луѓе.