Тачи: „Ќе се потрудиме заедно“

Самитот на НАТО во Букурешт е мотив за нов пресврт во политиката на Мендух Тачи. Тој рече: „Од моја страна ќе направам се‘ што можам за да дојдеме до договор, зашто тој процес ни‘ е важен на сите. “

Доколку ги надминат разликите околу шесте барања на ДПА, но и личните суети и разбудената меѓусебна недоверба, премиерот Груевски и лидерот на ДПА, Тачи може да обезбедат посилна преговарачка позиција во грчко-македонските разговори за името. Лидерите на четирите парламентарни партии, денеска (18.03.2008) или утре ќе дебатираат кој од најновите три предлози за можна промена на името или рефренцата би можел да биде компензација за членство во НАТО.