Турција: Спасувачките екипи во трка со времето

Градот Ерчис- ден по земјотресот - без пауза спасувачките екипи трагаат по затрупани. И понекогаш имаат среќа. Во урнатините на една куќа, тие пронајдоа едно момче во безсознание, но живо. За другите помошта веројатно доаѓа предоцна. „Со брат ми бевме приклештени под урнатини. Мене можеа да ме спасат, но тој се’ уште е заглавен“.

„Лошо е. Многу наши пријатели и роднини се и натаму под урнатините. Се’ уште ништо немаме чуено од нив“.

Помош понуди и Израел

Уште во текот на ноќта премиерот Реџеп Таип Ердоган допатува во погодениот регион. Ги посети повредените. Колку пак загинале во потресот, не можеше ни тој да каже.

„Не знаеме колку многу луѓе се’ уште има во урнатините од паднатите згради. Би било погрешно да се каже бројка. Се надеваме дека многу од нив ќе ги најдеме живи“.

Беше рано попладне кога земјата во провинцијата Ван силно се тресеше. Многу куќи овде не се градени по сеизмолошки стандарди, иако Турција е посебно загрозена.

Земјата се наоѓа на територија на која се допираат две тектонски плочи- евроазиската и арапската. Со поместување на двете плочи се создава екстремно висок притисок, кои постојано предизвикува земјотреси, како овој во регионот Ван. Многу земји понудија помош. Германија, САД но и Израел и покрај политичките тензии меѓу двете земји.

Автор:Михаела Хунгер/ Симе Недевски

Редактор: Александра Трајковска