Турција – Ѓул
29 август 2007Реклама
Новиот турски претседател, Абдула Ѓул, по неговото именување на највисоката функција во државата изјави дека ќе ги почитува секуларните основи на републиката, кон кои што припаѓа и правото на верска слобода. Ѓул беше избран во третиот круг гласање во парламентот. ЕУ го поздрави неговиот избор, а германската канцеларка Ангела Меркел му честиташе потенцирајќи ги добрите односи на Германија и Турција. Ѓул е единаесетти турски претседател и доаѓа на местото на Ахмет Неџдет Сезер.