Уапсен еден од функционерите на Црвените Кмери

Властите во Камбоџа го уапсија Џенг Сери поранешниот министер за надворешни работи на земјата и еден од последните високи претставници на поранешниот режим на Црвените Кмери. 77 годишниот Сери заедно со останатите поранешни функционери треба да одговара пред судот за злосторства на ОН. Во септеври беше уапсен и Нуон Ча поранешен идеолошки шеф на Црвените Кмери. Инаку за време на режимот под водство на Пол Пот од 1975 до 1978 година регистрирани се околу 1,7 милиони жртви.