1. Прескокни до содржината
  2. Прескокни до главната навигација
  3. Кон други страници на DW

Фаворитите си го оправдаа статусот

ЕМФ/миа24 јуни 2013

Фаворитите на фудбалскиот Куп на конфедерации се пласираа во полуфиналето. Светскиот и европски првак Шпанија и првакот на Јужна Америка - Уругвај во полуфиналето ќе играат против Бразил и Италија.

https://p.dw.com/p/18utQ
Фотографија: GettyImages

Репрезентациите на Шпанија и Уругвај со убедливи победи го заверија пласманот во полуфиналето на фудбалскиот Куп на конфедерации кој се одржува во Бразил. Актуелните континентални шампиони на Европа и на Јужна Америка, вчеравечер (23.06) во натпреварите од последното 3.коло од група Б остварија победи во дуелите со Нигерија и Тахити.

Шпанците со головите на Жорди Алба во 3 и 88.минута и Фернандо Торес во 62.минута ја совладаа Нигерија со 3:0, за третата победа во групата и освојување на првото место. Уругвај ја наполни мрежата на селекцијата на Тахити совладувајки ја со 8:0. Ернандез беше стрелец на четири гола (2, 24, 45 и 67 пенал), а во листата на стрелците се запишаа и Перез (27), Лодеиро (61) и двапати Суарез (82 и 90).

Со тоа комплетирани се и полуфиналните двојки, па в среда (26 јуни), ќе играат домаќинот Бразил и Уругвај, а ден подоцна (27 јуни) во реприза на финалето од Европското првенство ќе играат европскиот и светски првак Шпанија и селекцијата на Италија. На 30 јуни ќе се играат натпреварите за трето место и големото финале.