Франција – избори
22 април 2007Реклама
43 милиони граѓани на Франција денеска избираат наследник на претседателот, Жак Ширак. За највисоката функција во државата се борат 12 кандидати. Според анкетите, најголем број гласови би добиле конзервативниот поранешен министер за внатрешни работи, Никола Саркози и социјалистката Сеголен Ројал. Зад нив би следеле политичарот на центарот, Франсоа Бајру и десниот екстремист, Жан-Мари Ле Пен. Доколку ниту еден од кандидатите не освои апсолутно мнозинство гласови, на 6 мај ќе се одржи втор круг избори, во кој ќе влезат двајцата кандидати со најголем број гласови.