1. Прескокни до содржината
  2. Прескокни до главната навигација
  3. Кон други страници на DW

Хаг осуди двајца поранешни функционери од Република Српска

Александар Методијев/афп/дв27 март 2013

Судот за воени злосторства во поранешна Југославија осуди денеска двајца поранешни функционери од Република Српска. Миќо Станишиќ и Стојан Жупљанин добија по 22 години затвор за злосторства во босанската војна.

https://p.dw.com/p/185Cc
Фотографија: Reuters

Поранешните високи функционери во Република Српска се осудени за спроведување кампања за чистење на Босна од Муслимани, Хрвати и сите останати не-Срби за време на војната во Босна и Херцеговина, во периодот од 1992 до 1995 година.

Стојановиќ и неговиот подреден Жупљанин се осудени на поединечни казни затвор од по 22 години. Стојановиќ за време на војната бил министер за внатрешни работи во Република Српска, а Жупљанин началник на Центарот за безбедност во Бања Лука. Тие беа обвинети за протерувања, убиства и нечовечки дела направени над босански и хрватски цивили.

Обвинителството за двајцата бараше доживотна казна затвор, а одбраната ослободителни пресуди. Двајцата се наjвисоки функционери од Република Српска кои учествувале во војната и се осудени како учесници во здружено злосторничко делување.