1. Прескокни до содржината
  2. Прескокни до главната навигација
  3. Кон други страници на DW

Швајцарците се за ограничување на доселувањето

ЕМФ/афп9 февруари 2014

Швајцарските граѓани денеска (9.02) на референдум се изјаснија за ограничување на доселувањето. Неофицијалните резултатите покажуваат дека разликата во гласови меѓу опциите„за“ и „против“ е многу тесна!

https://p.dw.com/p/1B5oj
Фотографија: Reuters

Институтот за истражување на јавното мислење ГфС попладнево соопшти дека 50,3 проценти од избирачите во Швајцарија се изјасниле за проектот „Против масовно дослеување“. Тоа значи дека Швајцарија би морала да воведе квоти за доселување и наново да преговара за договорите што ги има склучено со ЕУ.

За резултатите да бидат официјални, потребно е во мнозинството кантони во Швајцарија, мнозинството граѓани да се изјасниле „за“ иницијативата за ограничување на доселувањето. Првиот услов беше исполнет уште рано попладнето - резултатите покажаа дека мнозинството кантони гласале „за“. Гласовите на избирачите, меѓутоа, во двата најголеми кантони, Берн и Цирих, се‘ уште не беа избројани до крај.

SVP Schweiz Immigration Masseneinwanderung Plakat 2014 Wahl
Фотографија: picture-alliance/dpa

Од стапувањето во сила на Договорот за слободно движење на лица склучен со ЕУ, секоја година во Швајцарија се доселуваа по околу 80.000 лица, или десет пати повеќе од она што го прогнозираше владата во Берн пред да го склучи Договорот во 1999 година. Швајцарија не е членка на ЕУ, но најголемиот дел од нејзиниот извоз, околу 60% , оди во земјите на Унијата.