Штрајк на железничарите во Германија

Синдикатот на машиновозачите ГДЛ, го прошири штрајкот и од раните утрински часови се штрајкува во товарниот и патничкиот сообраќај. Стотици илјади граѓани кои до работното место се превезуваат преку железничкиот сообраќај мораат да користат друго превозно средство. Се претпоставува дека посебно ќе биде огоден истокот на Германија, бидејќи најголем дел од машиновозачите се членови на синдикатот ГДЛ. Германски железници изработија алтернативен план, така што во сообраќајот на долги релации ќе возат две третини од возовите, а во регионалниот сообраќајот половина. Штрајкот почна вчера со блокада на товарниот сообраќај.