Ѕвездите од Бундеслигата доминираат на листата на УЕФА
10 јули 2013Пет фудбалери од Бундеслигата се најдоа на листата со 10 имиња на Европската фудбалска унија, која во август ќе биде скратена на три имиња, а најдобриот играч за минатата сезона ќе биде прогласен на 29.август во Монако.
На листата со најмногу фудбалери е застапен актуелниот европски првак Бајерн Минхен – Томас Милер, Франк Рибери, Арјен Робен, Бастијан Швајнштајгер. Полскиот репрезентативец Роберт Левандовски, чиј тим Борусија Дортмунд загуби во финалето на Лигата на Шампионите од Бајерн, е исто така номиниран.
Во конкуренција за играч на сезоната се наоѓаат и Кристијано Роналдо од Реал Мадрид и Лионел Меси од Барселона.
УЕФА оваа награда ја доделува од 2011 година, а досега ја освојувале Лео Меси и Андрес Иниеста.
Меѓу номинираните играчи се уште и Герет Бејл од Тотенхем, Златан Ибрахимовиќ од ПСЖ, и Робин ван Перси од Манчестер Јунајтед.