Јунг повторно против американскиот антиракетен штит

Германскиот министер за одбрана Франц Јозеф Јунг повторно се изјасни против изградба на американскиот антиракетен штит во Европа. „Систем со заштитна функција за Европа е и во наш интерес, но во таков план треба да бидат вклучени НАТО и Русија, изјави Јунг. И рускиот министер за надворешни работи Сергеј Лавров за медиумите изрази сомневање дека Европа и САД се загрозени од ракетни напади. Ниту една од таканаречените непресметливи држави од кои наводно има опасност не поседува вакви ракети, рече Лавров за Фајненшл тајмс Дојчланд. САД сака вакви системи да постави во Полска и Чешка.