Јушченко се залага за најширока можна коалиција

По тесната победа на реформскиот политички камп во Украина на парламентарните избори одржани во неделата, претседателот Виктор Јушченко се заложи во идната влада да се вклучи и Партијата на Регионите на премиерот Виктор Јанукович, кој важи за про-руски настроен. Според Јушченко, само така може да се задржи стабилноста во владата и во украинскиот парламент. Инаку, според официјалните резултати, партијата на Јушченко на изборите освоила околу 14% гласови, а блокот Јулија Тимошенко 31% гласови. Заедно, двајцата партнери од протокаловата револуција имаат освоено еден процент гласови повеќе од останатите партии. Најмногу гласови поединечно освои партијата на регионите на премиерот Јанукович – 35%.