Ќе се испитува влијанието на германскиот извозен суфицит врз Европа

Денешната најава од Брисел се‘ уште не значи и отворање постапка против Германија. Постапка Комисијата би можела да отвори најрано наредната година. Таа, како крајна последица, би можела да има изрекување парична казна за Германија во износ од 0,1% од стопанското постигнување. При брутодомашен производ од над 2,6 илјади милијарди евра, колку што Германија имаше во 2012 година, казната би изнесувала милијарди евра.

Еврокомесарот за монетарна политика Оли Рен сака да постигне Германија да ја поттикне внатрешната потрошувачка и да се погрижи за поголема конкурентност на пазарите на услужни дејности.

Европската референтна вредност за суфицит во стопанското постигнување изнесува 6%, а се зема просек од вредностите од три години. Според Евростат, средната вредност за периодот од 2010 до 2012 година изнесува точно 6,5%

Засилениот економски надзор е воведен од страна на ЕУ по тешките турбуленции што ги предизвика европската должничка криза. Намерата е да се спречи натамошен процес на оддалечување на сиромашните и богатите земји во еврозоната.