1. Прескокни до содржината
  2. Прескокни до главната навигација
  3. Кон други страници на DW

11. септември - денот што ја промени Америка

11 септември 2010

Американскиот претседател Барак Обама ги повика Американците на верска толеранција во пресрет на одбележувањето на деветгодишнината од терористичките напади. Каде е местото на исламот во денешното американско општество?

https://p.dw.com/p/P9jM
Во нападот загинаа скоро три илјади лицаФотографија: AP

Бројките говорат за себе: 66 проценти од Американците не сакаат на само два блока подалеку од местото на кое беа кулите-близначки на Светскиот трговски центар да биде изграден муслимански верски објект. Тоа што во истата улица постојат барови и стриптиз-клубови, не е важно, зашто тие немаат врска со терористите кои кулите-близначки ги срамнија со земјата.

Откако се случија терористичките напади кои ја потресоа Америка и светот, многу Американци се загрижени кога ќе помислат наисламот, вели Џим Колб, експерт за прашањата на доселување во Организацијата „Џерман Маршал Фонд“. „Кога се работи за луѓето кои ги познаваат, нема никакви проблеми. Но, кога ќе слушнат за работи кои погрешно се поврзани со исламот, тогаш го менуваат расположението.“

Највиновни се медиумите?

Muslime in den USA
Исламот често се поистоветува со тероризамФотографија: AP

Колб смета дека Американците не се антиисламски ориентирани. Сепак, 49 проценти во големата анкета која ја спроведе „Вашингтон пост“, имаат негативно мсилење за оваа религија. Причина за тоа во голема мера е известувањето во медиумите, вели Џон Еспозито, директор на Институтот за арапски и исламски студии во Универзитетот „Џорџтаун“ во Вашингтон. Тој изнесува дека за исламот се известува само во контекст на екстремистите, напади и атентати на луѓе кои ја мразат Америка:

„Со години на телевизијата постојат водители или конзервативни станици како ’Фокс њуз’ но и други канали, во весниците пишуваат колумнисти-свештеници, христијански екстремисти и други, тие шират антиисламска пропаганда, на која американската јавност е секојдневно изложена“, вели Еспозито.

Кон тоа треба да се додаде дека политичарите кои се борат за наклоноста на гласачите го подбуцнуваат народот против исламот. Веројатно не е случајно што дискусијата околу исламскиот центар во Њујорк ескалираше токму сега, два месеца пред изборите за Конгресот.

Американските муслимани се поинтегрирани од европските

USA Islam Proteste
Американците се` уште чувствителни околу џамијата на Граунд зироФотографија: AP

Само мал број Американци лично познаваат некој муслиман. Бројот муслимани во однос на вкупниот број населенеи е мал, се проценува на неколу милиони. Притоа, тие луѓе се рамноправни членови на општеството, како што истакнува Џон Еспозито, повикувајќи се на многу студии. „Американските муслимани, за разлика од многуте европски муслимани, според имотната состојба и образованието се подобро интегрирани во општеството. Многу од нив заработуваат повеќе отколу просечниот Американец. Еврејската заедница, колку што знам, е единствената во која мажите, но и жените, имаат повисок просек кога е во прашање образованието.“

И покрај тоа јавноста често прифаќа ставови за муслиманите кои, кога би се однесувале на Евреите или Афроамериканците, би предизвикале големо огорчување кај јавноста. Освен тоа, кога треба да се најде некого кој ќе послужи како жртвен јарец поради лошата економска ситуација, најлесно е да се најде некој муслиман.

Автор: Кристина Бергман/ Жана Ацеска

Редактор: Трајче Тосев