2009-та ќе задоцни една секунда
22 декември 2008Според експертите, на крајот од оваа година ќе биде додадена уште една „престапна“ секунда, со цел да се постигне синхронизација на службените атомски часовници со ротацијата на Земјата.
Иако ротацијата на Земјата трае 24 часа, мали варијации можат да доведат до расчекор меѓу атомското време и она што го покажуваат атомските часовници, кај кои нема никакви отстапки.
Ова ќе биде 24-то усогласување на времето од 1972-ра година, што го спроведува Меѓународната служба за следење на ротацијата на земјата со седиште во Париз. Последното усогласување беше на преминот од 2005-та во 2006-та година.
Со дополнителната секунда, престапната 2008-ма ќе биде најдолгата година по 1992-ра.
Историски, времето се базира на ротацијата на Земјината топка околу сонцето. Земјата прави една ротација околу сонцето за приближно 365,2422 дена и поради тоа секоја „престапна“, односно четврта година, се додава по еден ден во февруари. Ова се прави со цел да се обезбеди усогласеност на календарската со астрономската година.