1. Прескокни до содржината
  2. Прескокни до главната навигација
  3. Кон други страници на DW

26 удари на камбаните за жртвите од Њутаун

АТ/ дпа/ дапд21 декември 2012

Во американското гратче Њутаун денеска им беше оддадена почит на жртвите од масакрот во основното училиште. Со минута молчење и претседателот Барак Обама им оддаде почит на жртвите.

https://p.dw.com/p/177ic
Фотографија: Getty Images

Една недела по масакрот во училиштето Сенди Хук во Њутаун во државата Конетикат северно од Њујорк луѓето од градот и граѓаните на САД на многу места во земјата им одадоа почит на жртвите.

Во Њутаун, во 9.30 часот по локално време камбаните во спор такт удираа 26 пати, по еднаш за секоја жртва. Во исто време, пред една недела 20 годишно момче насилно влезе во основното училиште Сенди Хук и застрела шест жени и 20 деца. Најстарите деца беа на возраст од седум години.

Њутаун денеска потона во молк, знамињата се веат на половина копје. Според Белата куќа и претседателот Барак Обама зема учество во минутата молчење.

USA Obama und Biden Erklärung zum Waffenrecht
Барак ОбамаФотографија: Reuters

Во својата видеопорака до граѓаните претседателот информираше дека голем број граѓани ја поддржуваат иницијативата за зајакнување на законите за поседување на оружје. На лицата кои ја имаат потпишано интернет петицијата претседателот им порача: „Ве слушаме“. Обама го охрабрува и тоа што многумина кои поседуваат оружје сметаат дека би можеле да се преземат чекори кои ги зачувуваат правата на Американците и ги штитат нивните деца. „Ќе сторам се’ што е во моја моќ како претседател, да ги поттикнам ваквите напори“, порача Обама.