Венеција од денеска наплатува дневна такса за туристи

Сите посетители кои сакаат да одат во италијанскиот лагунски град, познат по своите канали и историски градби, во периодот од 8:30 до 16:00 часот, мора да платат специјален данок од пет евра, што се проверува на најважните точки за пристап до градот.

Ова ја прави Венеција првиот град во светот кој наплатува дневен влез, слично на забавните паркови. За тековната година во оваа тест фаза определени се вкупно 29 дена во кои ќе се наплатува таксата. Од денешниот четврток, пет евра ќе треба да се плаќаат до 5 мај. Потоа, таксата ќе се наплаќа и за сите викенди за време на главната туристичка сезона. Градот остварува високи приходи од масовниот туризам, но и многу страда од него.