1. Прескокни до содржината
  2. Прескокни до главната навигација
  3. Кон други страници на DW

Грција парализирана од штрајк

ЖА / агенции
14 декември 2017

Илјадници Грци протестираат поради невработеноста, сиромаштијата и растечките даноци. Синдикатите повикаа на 24-часовен генерален штрајк, незадоволни од владината политика на штедење.

https://p.dw.com/p/2pNVt
Symbolbild Österreich will griechische Staatsbahn überehmen
Фотографија: picture-alliance/dpa/A. Vlachos

Во знак на протест поради ригорозната политика на штедење на владата на Алексис Ципрас, најголемите синдикати повикаа на 24-часовен генерален штрајк. Само во Атина на демонстрации излегоа преку 20.000 луѓе. Мотото гласи: „Сиромаштија, даноци, невработеност, владата ги пречекори сите граници“.

Штрајкуваат новинарите, па нема програма и вести, бродовите и фериботите останаа во пристаништата, возовите не возат, прекинот на работата на возачите во јавниот сообраќај го парализира животот во градот, останаа затворени и државните училишта и служби, болниците примаат само итни случаи. На вработените поради мерките за штедење во последните години примањата им се намалени за најмалку една четвртина.

Луѓето протестираат и поради нов најавен закон за ограничување на правото на штрајк, според кој прекин на работа би бил легален само ако за него се изјасни повеќе од половината од членовите на синдикатите, додека досега беа доволни само 20 проценти. Владата на премиерот Алексис Ципрас се надева на крај на програмите за штедење во август 2018. година, кога би можела повторно да позајмува пари на финасиските пазари под поповолни услови.

Грција парализирана од штрајк