Неверојатните победници на фотографијата на годината

Ловџии го убиле овој црн носорог и го исекле неговиот рог. Фотографијата на Брент Стиртон е направена во природен резерват во Јужна Африка. Жирито оцени дека фотографијата ги документира ужасните злосторства кои луѓето ги прават во природата, и ја прогласи за победник на годинешниот натпревар.

Како, горила во националниот парк во Република Конго, живее опуштен живот. Сликата на Даниел Нелсон беше победник во категоријата млади фотографи. На жирито му се допадна иронијата во сличностите меѓу однесувањето на мајмуните и човекот. Во Лондонскиот музеј се прикажани 100-те најкреативни, оригинални и технички извонредни фотографии.

Саваната во Бразил е осветлена од илјадници флуорoсцентни ларви под ѕвезденото небо. Фотографот Марсио Кабрал ја направи оваа фотографија во националниот парк Емас по дождот кој ги натера малите светлечки црви да излезат на површината.

Оваа инсталација на фотографот Лорен Балеста е посебна на многу начини, не само поради техничката извонредност. Никој не успеал да нурне во длабочините под мразот на Антарктикот како тој. Оваа инсталација се направена од 147 фотографии и на спектакуларен начин го документира подводниот свет загрозен од глобалното затоплување.

Ларвите на јастогот се храна за разни видови риби. Но, во оваа ноќна фотографија сликана од Ентони Берберијан во близина на Тахити, се прикажува моментот кога пленот станува ловец. Со оваа уникатна слика на животинчето долго 12 милиметри, Французинот ја доби наградата за најдобра подводна фотографија.

На прсти по снегот, вдиши воздух длабоко и нурни! Така се лови во зима. Оваа лисица не само што ја нурна главата во снегот, туку подоцна целата влезе под снегот во националниот парк Јелоустоун во САД. На доделувањето на наградата, авторката- 13-годишната Ешли Скали откри дека нејзината муза овојпат не успеала ништо да улови.

Иако нема боја, оваа фотографија на Елио Елвинџер плени со неверојатен контраст и начинот на кој ги детектира треперливите ледени кристали на крзното на мечките. Поради тоа ја освои наградата за најдобра црно-бела фотографија.

Иако има само пет години, Екатерина Би е фасцинирана од природата. Таа фасцинација се отсликува во начинот на кој овие два галеби ги гледаат неа и нејзиното семејство за време на крстарење во Флатангер, Норвешка. Таа му кажа на жирото дека галебите делувале љубопитни, како да се обидувале да дознаат што се случува на бродот. Фотографијата победи во категоријата на натпреварувачи под 10 години.

Оваа фотографија на Арон Гекоски е моќен потсетник на ефектите од продукцијата на палмино масло во Индонезија. Три генерации на ова семејство слонови минуваат низ тесното патче на оваа плантажа која се расчистува за повторно садење. Природниот хабитат на слоновите е уништен, а тие мораат да се повлекуваат во сѐ помалите шумски џебови.

Фотографот Тони Ву го забележа овој момент во водите на брегот на Шри Ланка, нуркајќи меѓу белите китови. Како што забележа, цицачите не комуницираат само преку звук, туку и се допираат меѓусебно. Иако е во сила забрана за ловење на белите китови од 1986 година, сепак нивните бројки паѓаат.

Овој октопод од видот Маора со сласт го набљудува бифето кое е под него, составено од стотици гигантски ракови. И фотографот Џастин Гилиган беше одушевен од пленот додека ја правеше фотографијата во водите на Тихиот Океан во близина на Марија островите, Тасманија.