Што носи Нимиц во Скопје?

По грчкото вето во Букурешт ова е трета рунда преговори на медијаторот Метју Нимиц со властите во Атина и Скопје. Тој денеска ќе има одделни средби со македонскиот претеседател Црвенковски и премиерот Никола Груевски. Ќе им ги претстави новите идеи кои ако се прифатливи може да станат и конкретни решенија на долгогодишниот спор. Околу името со македонскиот државен врв ќе разговара и заменикот помошник државен секретар на САД, Розмари Ди Карло. Според дипломатски извори се поизвесно е дека Македонија ќе се најде под зголемен притисок за скоро решавање на спорот, како и за прифаќање на компромисно име во кое ќе има географска одредница. Во таков случај, премиерот не отстапува од идејата за одржување референдум. Експертите во земјата пак предупредуваат, да не дојде до поделба меѓу населението, ако едни гласаат за, а други против.