1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ

آيا پاکستانی پوځ په رښتيا سره غواړي طالبان له منځه يوسي

۱۳۸۸ آذر ۳۰, دوشنبه

د امريکې د متحده ايالتونو لوړپوړی افسر لوی درستيز مايکل مولين څو ورځې وړاندي له اسلام آباد څخه ليدنه وکوله . ده د خپل کوربه د سرته رسولو نظامي عملياتو په هکله ډېري ستايني له ځان سره راوړی وې

https://p.dw.com/p/L9h4
انځور: AP

مولين څرگندوي چی،( ډېر ښه پلان شوي، ښه په غور سره او اغېزمن)

خو تل داسې نه وه، چې د امريکې متحده ايالتونه به د پاکستاني پوځ له هر ډول چال چلند څخه ستاينه کوي : په پسرلي کې، کله چې پاکستان د سوات په دره کې له طالبانو سره د صلحې بندوبست وکړ او په پايله کې يې طالبان د پلازمېنې اسلام آباد په لور خپاره شول، لويديزوال په سخته مايوسي سره په چيغو شول. مگر له هغه راپديخوا حالات بدل شويدي. پاکستاني پوځ تندلاري مسلمانان د سوات له درې څخه وشړل، او اوس قبايلي سيمې ورپسې پلټي :

(دلته ويل کيږي: دا يوه جدي حمله ده او پوځ په دې پوهېدلی، چې يواځې بهرني دښمن نه لري، بلکه کورني دښمن هم شته. هو، پوځيان جدي دي.)

دا خبره د آلمان د يوې سياسي څپړندويه ټولنې Heinrich-Böll Stifftung مشر گريگور انسته Gregor Enste په لاهور کې کړېده. د اکتوبر په مياشت کي د جنوبي وزيرستان پر طالبانو باندې عمليات پيل شول. خو پوځ د شمال د پاره هم ځان چمتو کاوه. يوه پخواني جنرال او امنيتي کارپوه طلعت مسعود هم وروستي عمليات بريالي بللي دي. نوموړي دا ټينگار هم وکړ: د پاکستان پوځ ډېره ښه پرېکړه کوي، چې د کومو طالبانو پرضد بايد وجنگيږي. د ده له قوله :

(پاکستان هغه څه کوي، چې بايد ويې کوي، البته د خپل ځان د پاره نه د امريکې د خوشحالولو په منظور. کله کله د دواړو خواوو گټې يو له بل څخه ليرې کيږي. ځکه چې پاکستان دې ته چمتو نه دئ، د افغاني طالبانو پر ضد وجنگيږي، د کومو مسئوليت چې د ناتو او امريکايانو پرغاړه دئ.)

کوستنر وړاندې ليکي، ولو که پوځ د پاکستاني او افغاني طالبانو تر کت توپير راولي - مگر سره له هغه دا يو د پاملرنې وړ بدلون دئ، چې پوځ او لوی درستيزتوب راوستلی. د اټکل له مخې خلک هم د پوځي عملياتو شا ته ولاړ دي. خو طالبان بيا هم هڅه کوي، چې د ښارونو په مرکزونو کې په گذارونو سره وضعيت بدل کړي:

(پخوانی جنرال مسعود وړاندې څرگندوي، د بې گناه خلکو پرضد دا زورزياتی برعکسه اغېزه کوي او پوځ هنوز سختو عملياتو ته اړباسي. وگړي هم زياتره د تندلارو پرضد دريږي.)

طالبان بيا بل حساب کوي او هغه دا چې: ښارونو ته د ځان مرگيانو په ورلېږلو سره به خلک يوه ورځ نه يوه ورځ دا وايي چې: د پوځ د دې عملياتو بار موږ ته ډېر دروند دئ. نو ځکه گريگور انسته هنوز په دې باندې ډاډه نه دئ، چې له پوځي عملياتو څخه موجوده پلوي به پاتې کيږي او زياتوي:

(د طالبانو پرضد جگړه به کومه 6مياشتنۍ جگړه نه وي. دا به کالونه دوام کوي. هم هغه شان لکه په سريلانکا کې. نو ځکه د پاکستان خلک، که په رښتيا سره د پوځ پلويان وي، ښايي د زياتو کالونو خونړيو جگړو ته چمتو اوسي.)

کای کوستنر / عارف وردګ

کتونکی : محمد قاسم نوري