افغانستان د برتانيې له پاره تر عراق بدتره سور اور ګرځېدلی

د ۲۴ ساعتونو په دننه کي اته بريتانوي عسکرو خپل ژوند له لاسه ورکړ، په لس ورځو کي په ټوليزه توګه ۱۵ ووژل شول. خو د دغه هيواد روح او روان يو بل رقم هم ځوروي، هغه دا چي په افغانستان کي د بريتانوي وژل شوو سرتيرو شمېره له عراق څخه واوښته.

د ۲۰۰۱ کال د سپتمبر د يولسمي نيټي له تروريسيتي حملو څخه وروسته بريتانويانو افغانستان ته ورودانګل ترڅو تندي لاري طالبان وټکوي. خو د افغانستان عمليات تر ډيره وخت د عراق د جګړې ترسيوري لاندي ؤ. اوس چي هغوي عراق څخه وتلي ، ټوله پاملرنه يي« هيري شوي جګړي » ته کړي ده. او صدراعظم ګوردان براون وار په وار تر سختو نيوکو لاندي پريوځي. د هغه هيواد ليبرال ديموکراتان نيوکه کوي : د طالبانو پر ضد جګړه بايد يا په بشپړه توګه په لاره واچوله شي او يا دي په بشپړه توګه تري لاس واخيستل شي.»

د ۱۸۴ مړو څخه وروسته چي په عراق کی يواځي ۱۷۹ ؤ، د يوي روښانه ستراتيژي لپاره غږونه وار په وار پورته کيږي. په بريتانيا کي ډيري پوښتنه کوي: آيا دا «دومره قرباني» د دي ارزښت لري؟ د مړو او وژلو د لړۍ پاي لا تراوسه نه ښکاري.

د نيوکو سره سره د بريتانيا حکومت د عملياتو پر دوام تينګار لري. صدراعظم براون دا عمليات د« وطن پالني مکلفيت» ګڼي. پرته له دې« ترهګري د بريتانيا سړکونو ته بيرته ستنيږي.»

«که چيري مونږ اجازه ورکړو چي طالبان په افغانستان کي بيرته قدرت ته ورسيږي او القاعده بيرته د تګ او راتګ هسي آزادي ولري لکه چي يي د ۲۰۰۱ کال څخه مخکي يي درلوده، نو مونږ به په خپل هيواد کي ډير امن ونه لرو. ترهګري يو لړۍ ده چي سړی کولای شي هغه ته د ځنځير نوم ورکړي، هغه يو ځنځير چي په افغانستان او پاکستان کي پيښي د بريتانيا پر سړکونو کي له پيښو سره تړي.»

خو د دا ډول ويناوو سره سره د بريتانيا عامه ذهنيت کي د افغانستان عمليات چي د عراق په پرتله يي زيات پلويان درلودل، ملاتړ وار په وار کمزوري کيږي. په دي برخه کي د جمهور رييس اوباما يادونو، چي د براون ترڅنګ ودريد هم ډيره زياته ګټه ونه کړه. د دوشنبې د ورځي لپاره د جګړې مخالفينو په لندن کي د يو ستر لاريون بلنه ورکړې ده. هغوی دافغانستان جګړه د خپلي وينا له مخه د «بريتاني لپاره يوه خپسکه» بولې او د خپلو سرتيرو د بيرته رايستلو غوښتنه کوي.

د ليبرال ديموکراتانو پخواني مشر،Menzies Campbell»، د خبرداري په توګه وايي:« دا حقيقت چي اوس د وژل شوو سرتيرو شمير له عراق څخه واوښت، ښايي په عامه ‌ذهينت کي يو پريکړن بدلون رامنځ ته کړی.» هغه يادونه کوي:« په همدې وجه سرتيري بايد پوه شي چي هغوي له بشپړ ملاتړ څخه برخه من دي.هغوي همدا راز د اړيتا وړ تجهيزاتو ته اړتيا لري. ټیک دا هغه څه دي چي کمبود په کي ليدل کيږي. له دغه کمبود څخه له اوږدي مودي را په دي خوا د پوځ قوماندانان او خپله سرتيری هم شکايت کوي.

د هلمند په ولايت کي چيرته چي ورستی بريتانوي مرګ ژوبلی پيښی شوی، د بريتانيا د وسلوالو ځواکونو مطبوعاتي وياند، Nick Richardson د شنبي په ورځ بي بي سي ته وويل:

« د مرګ ژوبلو او ناخوالو سره سرتيري سخت اغيزمن شوي دي، خو هغوي پوهيږي چي اوس هغه وخت نه دي چي سړي د غم او استغاثي غږ پورته شي. هغوي پوهيږي چي يو ماموريت يي په غاړه دي چي بايد سرته يي ورسوي. همدا دي چي هغوي پام ورته اړولي.»

د بريتانيا مطبوعاتو د اوني په پيل کي حکومت په يوه غږ سره تر بريدونو لاندي ونيو و وويل: « حکومت د وطن په نامي پرانيستلی جبهي کي جنګ بايلوده.» هغه ونه توانيد چي خلکو ته د دغه مأموريت واقعيت روښانه کړي او پوځ ته هغه لازمي مالي مرستي برابري کړي چي په رښتيني توګه ورته اړتيا لري.

DPA/ عبدالباري حکيم

کتونکی. زيارمل