انځورونه: د سرطان د مخنیوي ۱۲ لارې

یوازي سګريت د هرو پنځو تومورونو له ډلې څخه د یوه د رامنځ ته کیدو سبب دی. سګرت نه یوازې د سږي سرطان رامنځ ته کوي، بلکې د نورو ډیرو تومورونو د رامنځ ته کیدو لامل هم کیږي.

تر سګرېټو وروسته د سرطان دوهم لوی لامل د وزن ډیروالی دی. دلیل یې هم دا دی چې ښه انسولین د څه نا څه هر ډول سرطان د رامنځ ته کیدو امکان پیدا کوي. هغه ښځي چې وزن یې ډیر وي ډیر ښځینه هورمونونه تولیدوي او له همدې کبله په هغوی کې د سینې سرطان د رامنځ ته کیدو چانس ډیریږي.

هغه کسان چې ډیر فزیکي فعالیتونه نه لري هم په سرطان د اخته کیدو له ګواښ سره مخامخ دي. څېړنو دا خبره ثابته کړې ده چې تمرین کولای شي د سرطان مخه ونیسي. دلیل یې هم دا دی چې تمرین د انسولین درجه په بدن کې کموي او همداراز د وزن د ډیریدو مخه نیسي.

الکول هم د انسان په بدن کې د تومورونو د رامنځ ته کیدو لامل کیږي. که یو څوک له الکولو او سګريټو څخه په یوه وخت کې ګټه واخلي د سرطان امکان سل واري ډېريږي.

د ډیرې اومې غوښي خوړل د کولمو سرطان رامنځ ته کوي. تر اوسه پوري لا د دې موضوع عامل نه دی موندل شوی. د دې ناروغۍ د رامنځ ته کیدو په برخه کې د سنډا غوښه تر ټولو ډیر ضرر لري. دا په داسې حال کې ده چې ماهی بيا د سرطان د ناروغي مخه نیسي.

کله چې سړۍ پر سکرو باندي کباب پخوي نو یو ډول سرطان رامنځ ته کوونکي کیمیاوي مواد پر غوښې نښلي. کیمیاوي تجربي ښيي چې دغه مواد د تومورونو د رامنځ ته کیدو لامل کیږي. دا په داسې حال کې ده چې طبي تجربو بیا تر اوسه پورې دغه خبره ثابته کړې نه ده. د دې امکان شته چې دغه سرطانونه د غوښې له کبله رامنځ ته شي، نه په هغو پوري د نښتل شوو کیمیاوي موادو له کبله.

که سړۍ ښه خوراک وکړي او له ترکاریو، میوو او لبنیاتو څخه کار واخلي نو د سرطان مخه نیولای شي. خو اوس ساینس پوهان دې نتیجې ته رسیدلي دي چې ښه خوراک تر هغه څه چې پخوا یې فکر کیدی لږ د سرطان په مخ نیوي کې نقش لري.

د لمر UV رادیش کیدای شي چې د پوست سرطان رامنځ ته کړي.

اکسرې ګاني هم د سرطان د رامنځ ته کیدو لامل کیږي. خو دا یوازي اکسرې ګانې نه دي، کله چې سړی په الوتکه کې سفر کوي هم له سرطان رامنځته کوونکي ردیشن سره مخامخ وي.

د انسان پیپیلوما وایروسونه هم د سرطان د رامنځته کیدو لامل کیږي.

د حامله ګي ضد تابلیتونه تر یوې اندازې پورې د سینې د سرطان رامنځ ته کیدو ګواښ ډیروي. خو دغه تابلیتونه بیا تر ډیره حده پورې د نور ډول سرطانونو مخه نیسي. خو کله چې د سرطان موضوع په منځ کې وي دغه تابلیتونه تر زیانه ډیره ګټه لري.

خو که سړی هر څه سم هم وکړي، بیا هم د سرطان له ګواښه په امان کې نه وي. د سرطان نیمایي پېښي د خرابو جینونو او یا هم د عمر د لوړوالي له کبله رامنځ ته کیږي. د مغز سرطان په ډیرو مواردو کې سړۍ ته په میراث پاتيږي.