اروپا ته مهاجرت

جاپان سږکال يوازې درې مهاجر منلي

جاپان د روان کال په شپږو مياشتو کې يوازې درو تنو مهاجرو ته پناه ورکړې ده. د بشري حقونو د څار سازمان تر دې د مخه د جاپان د مهاجرت د چارو په تړاو وېلې ول چې دا يو «له حده زيات ناوړه» ريکارډ دی.

Japan Flüchtlinge (Picture alliance/NurPhoto/A. Di Ciommo)

د رويټرز خبري آژانس په حواله، جاپان د ۲۰۱۷م کال په شپږو مياشتو کې د ۸۵۶۲ کسانو له ډلې څخه چې د پناه غوښتني يې وړاندي کړي دي، يوازې درې تنه يې منل شوي دي. جاپان حکومت دغه اعلان د سه شنبې په ورځ وکړ او دا يې د بهرنيانو له منلو سره د جاپان د نه علاقمندي لرلو نخښه وبلله.

د جاپان د عدليې وزارت وايي چې د ۲۰۱۶م کال په لومړيو شپږو مياشتو کې هم د پناه غوښتنې له ۵۰۱۱ تازه درخواستونو څخه يوازې څلورو ته يې قبولي ورکړې وه. د بشري حقونو د څار ادارې، د روان کال په جنوري مياشت کې د جاپان د مهاجرت چارو په تړاو وېلې ول چې دا «له حده زيات ناوړه» ريکارډ دی.

جاپان د هغو صنعتي هيوادونو په څير چې د خپلې بشري قوي د ځواکمنتيا له پاره د مهاجرو له منلو سره علاقمندي ښيي؛ علاقه نه لري. حتې دا په داسې حال کې ده چې د جاپان په اقتصاد کې د ټکني پرمختک يو اصلي لامل هم د دغه هيواد زوړ نفوس دی.

جاپان په۲۰۱۰م کال کې د مهاجرت په قانون کې داسې بدلون راوست، چې له مخې يې پناه غوښتونکي کولای شي د خپلې درخواستۍ تر سپارلو شپږ مياشتې وروسته د هغې د پايلو تر معلوميدو پوري کار وکړي. د جاپان د پناه غوښتنې د سيستم پلويان دليل وړاندې کوي چې جاپان دغه پريکړه وروسته له هغې وکړه چې د مهاجرت په برخه کې ځینې جعلي درخواستونه وړاندي شول چې له امله يې لږ مهاجر منل شوي دي.

ساسوهيرو هيشيدا، چې د جاپان په عدليې وزارت کې د پناه غوښتنې درخواستونو د څيړنې په برخه کې کار کوي وايي: «داسې ښکاري چې د هغو افرادو په شمير کې زياتوالی راغلی وي چې غواړي د پناه غوښتنې له بهير څخه ناوړه گټه واخلي.»

 

زموږ له ارشيف څخه:

DW.COM

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Bahasa Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو