خيبر کې يوه ښځه او دوه سړي سنگسار او بيا په ډزو ووژل شول

دغه درې واړه افراد په پړيو وتړل شول او قومي مشرانو او نورو سړو پرې کاڼې اورولې. د توندلارې اسلاميستي ډلې دوه تنه نفر چې مخونه يې پټ کړي وو رامخې ته شول او د کلشنيکوف په ډزو يې ووژل. د منگل باغ په نامه د يوه روحاني مشر دغې ډلې د دوشنبې په ورځ دغه ښځه او دوه سړي ونيول او د بدلمنۍ تور يې پرې ولگاوه.
د وژل شويو نومونه په دې ډول وښودل شول: الله نور او شاهزاد او د ښځې نوم تسليمه و. محلي چارواکو وويل چې دوی مداخله نه کوي ځکه چې قبايل په نيمه خپلواکه توگه ژوند کوي او د پاکستان قوانين په دوی باندې نه تطبيقيږي.