د ناټو د یوې الوتکې د رالویدو له کبله یوولس کسان ووژل شول
۱۳۹۱ مرداد ۲۶, پنجشنبهاعلان
په افغانستان کې میشت د ناټو ځواکونو د پنج شنبې په ورځ په یوه خبر پاڼه کې وویل چې په افغانستان کې د هغوی یوه څرخي الوتکه رالویدلې ده چې له کبله ئې درې تنه امریکايي سرتیري، څلور تنه د ناټو نور بهرني سرتیري، درې تنه افغان سرتیري او یو تن افغان ژباړونکی وژل شوی دئ.
دا په داسې حال کې ده چې افغان چارواکو ویلي دي چې دغه پېښه د کندهار ولایت په شاولي کوټ ولسوالۍ کې رامنځ ته شوې ده.
د ناټو په خبر پاڼه کې راغلي دي چې اوس دغه سازمان د دې پېښې د رامنځ ته کیدو لامل څیړي. دا په داسې حال کې ده چې طالبانو د دې پېښې پړه پر غاړه اخیستې ده.