1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ

زاخيلوال: د نړيوالو د يوه يوه ډالر حساب ورکولو ته چمتو يو

۱۳۹۰ خرداد ۳۱, سه‌شنبه

افغان حکومت وايي، د نړيوالو لخوا د فساد د ملا ماتونکو تورونو د لګيدو سره سره چمتو دي چي، د هر يوه مرسته سوي ډالر حساب مرستندوي هيواد يا ټولني ته ورکړي.

https://p.dw.com/p/11gIp
FILE- In this file photo, taken on Thursday Jan. 28, 2010, Afghanistan's Finance minister Omar Zakhilwal talks to members of the media during the Afghanistan Conference in central London. Following the leaked diplomatic cables revealed by WikiLeaks, it is reported Saturday Dec. 4, 2010, that Afghan Finance Minister Omar Zakhilwal said it will no longer be "business as usual", between key Afghan ministers and U.S. Ambassador Karl Eikenberry. The rift could jeopardize Eikenberry's effectiveness as America's top diplomat in Kabul at a time when U.S.-Afghan relations are already strained. (AP Photo/Lefteris Pitarakis, file)
Omar Zakhilwalانځور: AP

د ماليي وزير حضرت عمر زاخيلوال دغه څرګندوني نن په کابل کي د امريکايي چارواکو سره په ګډه جوړه سوې يوه غونډه کي خبريالانو ته وکړي.

په دغه غونډه کي افغان او امريکايي لوري د کابل او واشنګټن تر منځ د همکارۍ هغه سندونه هم لاسليک کړل چي له مخه به يې د افغانستان اته ستري پروژې د ۹۰ مليونه امريکايي ډالرو په ارزښت. خو د افغان دولت د بودجې له لاري رغول کيږي.

زاخيلوال پر داسي مهال دغه څرګندوني کوي چي، د ډوب سوي افغان خصوصي بانک( کابل بانک) مالي کړکيچ د مرستندويو هيوادونو او کابل حکومت تر منځ د مرستو په برخه کي بې باوري رامنځ ته کړې ده.

زاخيلوال که له يوه لوري په خپله دولتي دستګاه کې د پراخ فساد د شتون خبره مني خو له بل لوري وايي چي، نړيوالي مرستندويي ادارې او قراردادونه هم له دغه فساد څخه پاک نه دي.

د افغانستان بيا رغاونه
د افغانستان بيا رغاونهانځور: DW

د ماليې وزير له نړيوالي ټولني غوښتنه وکړه چي که چيري خپلي مرستي د دوي له چينله ولګوي نو اغيزمنتوب به يې لوړ او مفيديت به يي وچت وي.

په دغه خبري غونډه کې په کابل کي د امريکي سفير له ماليي، پوهني، کانونو، مخابراتي تکنالوژۍ او روغتيا وزارت سره د ۹۰ مليونه ډالرو مرستي سندونو د لاسليک پر مهال يو ځل بيا له کابل سره د واشنګټن پر مرستو ټينګار وکړ.

ښاغلي بيري وويل چي دغه مرستي به د افغان دولت د بودجې له لاري لګول کيږي.

له دغو پيسو څخه به د باميان- دوشې لويه لاره رغول کيږي، د پوهني په برخه کې به بېلا بېلي پروژې پر مخ بيول کيږي، صحي خدمتونو ته به د کليوالي خلکو په لاس رسي کې ګټه اخيستل کيږي او همدا راز به د بشري منابعو د تنظيم يو الکترونيکي سيستم را منځ ته کيږي.

Flash Galerie Neues Krankenhaus für Mazar-e-Sharif
انځور: DW

ايکن بيري وويل چې دوی د کابل کنفرانس په رڼا کي خپلي مرستي د افغان دولت له لاري کاروي خو اوس مهال هومره وړتيا نه ليدل کيږي چې ټولي مرستي د افغان دولت د بودجې له لاري ولګول سي.

د يادولو وړ ده چې ډيري مرستندويه ملکونه اوس په افغان حکومت کي د مرستو د مصرف د شفافيت په برخه کي بې باوره سوي دي.

هغوی وايي چي تر هغه به خپلي مرستي په خپل لاس لګوي ترڅو د افغانستان په اداره کي روڼ والي تظمين شوی وي.

خو دا په داسي حال کې ده چي افغانستان ته د فساد په کچه د تر ټولو ککړو هيوادونو په نوم لړ کي لا هم دوهم ځای ورکړل سوی دی.

ميرويس جلالزی/ کابل

کتونکی: نجيب الله زيارمل