پاکستان د سولې د څلور اړخیز بهیر د پیلیدو هیله څرګنده کړې

عزیز خبریالانو ته وویل چې د سولې خبري اتري د افغانستان د کړکیچ له پاره یوازنۍ د حل لاره ده.

دغه پاکستاني چارواکي همداراز ټینګار وکړ چې طالبان نه شي کولای د تاوتریخوالي له لارې افغانستان ونیسي. دا په داسې حال کې چې کابل اوس هم اسلام آباد د طالبانو په ملاتړ تورنوي. پاکستان بیا دغه تورونه په کلکه ردوي.

د سولي څلور اړخیز بهیر چې افغانستان، پاکستان، امریکا متحد ایالات او چین پکښې حضور لري، د روان کال له می میاشتې راهیسې په ټپه دریدلی دی. په دغه میاشت کې یوې امریکایي بې پیلوټه الوتکې د پاکستان په خاوره کې د طالبانو پخوانی مشر ملا اختر محمد منصور وواژه.

پاکستان ویلي دي چې د ملا منصور وژل کیدو دغه بهیر درولی دی خو کابل بیا وایي چې پاکستان په دغه بهیر کې د خپلو کړو ژمنو په پوره کولو نه دی توانیدلی او له دې کبله د دغه بهیر راتلونکې غونډي ځنډول شوي دي.