سویډن ۱۰۶کلني افغاني ته د پاتېدو حق ورکړ

د سویډن چارواکو یوې ۱۰۶ کلني افغاني ته په دغه هیواد کي د پاتېدو موقتي حق ورکړ. څه موده مخکي د دغي افغاني مهاجري د پناه غوښتنه رد سوې وه.

لکه څنگه چي د پناه غوښتني د مسایلو مسئولي محکمې په گويته بورگ ښار کي پرون چهارشنبه خبر ورکړ، دغه په بستر کي پرته او تقریبأ ړنده بي بي حال اُزبکي مخکي تر دې چي اقامت یې بیا تمدیدیږي، اوس د نورو ۱۳میاشتو له پاره په دغه هیواد کي پاتيدلای سي.

قاضیانو په خپل حکم کي ویلي دي چي «د بشري دلایلو له کبله دا د منلو نه ده چي نوموړې خپل هیواد ته په تگ باندي مکلفه سي.»محکمې د دې لوړ سن ته په کتو سره د هغې خراب صحي حالت ته هم اشاره کړې ده.

د سږکال په می میاشت کي دغه ۱۰۶ کلنه افغانه مهاجره رد سوې وه. د مهاجرو او پناه غوښتني ادارې هغه وخت سویډنۍ ورځپاڼي «سوینسکا ډاگ بلت» ته ویلي وه چي «لوړ سن د پناهندگۍ د منلو حق نه تضمینوي.» معنی داچي پر دغه سن باندي څوک له سیاسي لحاظه نه تعقیبیږي. خو دغه قضیه په سویډن کي د ډیري توجه وړ وگرځېده.

دغي زړې افغاني مهاجري هم اروپا ته د مهاجرو د ورمات بهير پرمهال خپل ځان سويډن ته رسولی او هلته ئې د پناه غوښتنه کړې وه.

له هغه راوروسته چي دغه سکانډناویايي هیواد تر ډیره وخته پوري اروپا ته د لارو تر خلاصیدو وروسته د مهاجرو په قبلیدلو کي مخکښ رول درلودئ، په ۲۰۱۴ او ۲۰۱۵ مو کلنو کي د ډیرو پناه غوښتنو په سبب سویډن عملأ خپل سرحدونه وتړل. له هغه راهیسي هم دغه هیواد ته ډیر لږ مهاجر ورغلي دي.

زموږ له ارشيف څخه:

سياست

د پناه غوښتني د قبولۍ دوه ډوله

قبولي دوه ډوله ده. د لومړۍ درجې قبولي سياسي پناه ده چي قبول سوی مهاجر په سمدلاسه توګه په کوربه هيواد کي دايمي د پاته کېدو اقامه يا د مهاجرت پاسپورټ او د کار اجازه او نور تر لاسه کوي. د دويمي درجې قبولي په اصلي هيواد کي د موجود خطر له کبله د جنيوا کانونسيون په ړنا کي په موقته توګه د پاته کېدو اجازې ته ويل کيږي.

سياست

اتريش

د لومړۍ درجې قبولي تر۱ سلنه کمه، د دوهمي درجې قبولي تقريبا ۷۰ سلنه

سياست

آلمان

د لومړۍ درجې قبولي ۰،۷ سلنه، د دوهمي درجې قبولي تقريبا ۴۸،۵ سلنه

سياست

هالند

د لومړۍ درجې قبولي ۲ سلنه، د دوهمي درجې قبولي تقريبا ۸۰ سلنه

سياست

بريتانيه

د لومړۍ درجې قبولي تقريباً ۴ سلنه سلنه، د دوهمي درجې قبولي ۳۲ سلنه

سياست

سويس

تقريبا ۲۳ فيصده د لومړۍ درجې قبولي، ۴۰ فيصده د دويمي درجې قبولي

سياست

سوېډن

تقريبا ۳ سلنه د لومړۍ درجې قبولي، تقريبا ۶۹ سلنه د دويمي درجې قبولي

سياست

فرانسه

صفر سلنه د لومړۍ درجې قبولي، تقريبا ۲۶ سلنه د دويمي درجې قبولي

سياست

اېټاليا

تقريبا ۱۱ فيصده د لومړۍ درجې قبولي، ۲۰ فيصده د دويمي درجې قبولي