1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ
تلویزیون په ژوندۍ بڼه
ټول ویډیويي راپورونه
مهمي موضوعګاني
په افغانستان کې د ښځو حقونهپښتونخوا

عراقي چارواکو د ترکيې سفير ته احتجاج ليک سپارلی

۱۳۸۶ آذر ۲۶, دوشنبه

د عراق حکومت ددغه هيواد په شمالي سيمو کي د ترکيې د هوايي ځواکونو د عملياتو له امله د ترکيې پر حکومت باندي سخت احتجاج کړی او په بغداد کي يي د ترکيې سفير د بهرنيو چارو وزارت ته ورغوښتی دی او هغه ته يي د عراق د حکومت احتجاج ليک سپارلی دی.

https://p.dw.com/p/DKCC
د عراق په شمالي سيمو کي د ترکانو د بمباريو په اثر پلونه، روغتونونه او ښوونځی نړول سوي
د عراق په شمالي سيمو کي د ترکانو د بمباريو په اثر پلونه، روغتونونه او ښوونځی نړول سويانځور: AP
پدې احتجاج ليک کي ويل سوي، چي د ترکيې دغه ډول عمل د دواړو هيوادونو په ښو اړيکو کي خرابوالی راولی. د عراق د بهرنيو چارو د وزارت په يوې اعلاميې کي ويل سوي، چي د عراق په شمالي سيمو کي د ترکانو د بمباريو په اثر پلونه، روغتونونه او ښوونځی نړول سوي. د ترکيې پوځي مقامات وايي، چي د امريکې متحده ايالاتونو د ترکانو سره ددې هوايي حملو په برخه کي مرسته کړې.