فوټبال: د ۲۰۱۶م کال اروپایي جام لوبې په کومو لوبغالو کې کیږي

د فرانسې په نوم ستدیوم (Stade de France) د پلازمینې پاریس په سن دني سیمه کې پروت دی او د فرانسې د فوټبال د ملي لوبډلې د کور په توگه هم انگیرل کیږي. دا لوبغالې په ۱۹۹۸م کال کې پرانیستل شوې او څه باندې ۸۰ زره نندارچیان پکښې ځایږي. د سږني اروپایي جام سیالیو پای لوبه یا فاینل به په همدې میدان کې ترسره شي. دې لوبغالې ترمیم ته اړتیا نه لرله.

د فوټبال مشهور کلب سن ژرماین خپلمنځې لوبې په پارک د پرنس لوبغالي کې ترسره کوي. دا میدان د ۲۰۱۶م کال د سیالیو د کوربه توب له پاره پراخ کړل شوی او اوس د ۴۵ زرو نندارچیانو له پاره ځای لري.

د نیس لوبغالې د فرانسې په جنوبي ساحل کې پروت دی او د چاپیریال ساتنې سره د سازګار تخنیک له امله شهرت لري. د دې میدان د انرژۍ یوه برخه اړتیا د سولر یا لمریزي بریښنا څخه پوره کیږي. دا میدان په ۲۰۰۳ کال کې پراخ کړل شو او اوس د فوټبال د ۳۵ زور مینه والو د ځایولو وړتیا لري.

د ولودروم لوبغالې په لومړي ځل په ۱۹۳۸م کال کې افتتاح شو. د مارسې اولمپک مشهور ټیم کورنۍ لوبې په دې میدان کې ترسره کیږي. دا میدان چې د ۶۸ زرو کسانو د ناستې ځای لري، د ۲۰۱۶ کال اروپایي جام لوبو له پاره رغول شوی.

د لیون میدان له هغو ستدیومونو څخه دی چې په بشپړه توګه رغول شوی او په پام کې ده چې د ۲۰۱۶م کال اروپایي جام لوبې پکښې ترسره شي. د لیون میدان د ۲۰۱۶م کال په جنورۍ میاشت کې پراخ کړل شو. د دې په رغولو ۴۸۰ ملیون یورو لګښت راغلی او اوس د ۵۹ زره کسانو له پاره ځای لري. د المپیک لیون کلب په دې میدان کې خپلې سیمه ییزې لوبې ترسره کوي.

دا میدان د فرانسې له هغو ستدیمونو څخه دی چې نوی جوړ شوی دی. پر جوړیدو یې ۱۸۴ میلیونه نور لگښت راغلی او شا او خوا ۴۲ زره تنه پکښې ځایږي.

د مونیسیپال پخوانی ستدیوم چې په تولوز ښار کې دی، په ۱۹۳۸ کال کې جوړ شوی وو. دا ستدیوم د ایف سي تولوز د سیمه ییزو لوبو مرکز دی. د تولوز میدان چې د ویمبلې د لوبغالي سره د ورته والي له کبله د «وړوکي ویمبلي» په نامه هم شهرت لري د ۴۰ میلیون یورو په لګښت رغول شوی او د ۳۳ زره نندارچیانو پکښې ځایدای شي.

پیئر موروا لوبغالې چې د لیل د فوټبال کلپ پکښې د بهرنیو لوبډلو سره خپلې لوبې ترسره کوي، په ۲۰۱۲م کال کې پرانیستل شو. دغه لوبغالې چې ۵۰ زره تنه پکښې ځایږي پر جوړیدو ۲۸۲ ملیون یورو لگول شوي دي.

د بولارت دللیس میدان چې په لان ښار کې دی، په ۱۹۳۳م کال کې جوړ شوي وو. اوس د ۷۸ میلیونه یورو په لگولو سره ترمیم شوی. دا ستدیوم چې د ۳۵ زره نندارچیانو د ناستې ځای لري د فرانسې تر ټولو ګران بیه لوبغالې بلل کیږي.

Stade Geoffroy-Guichard هغه میدان دی چې د ای اس سن اتین کلب دلته خپلې سیمه ییزې لوبې ترسره کوي. دا میدان په ۱۹۳۱ کال کې جوړ شوی او اوس د ۲۲۰ ملیون یورو په لګښت د ۲۰۱۶م کال اروپايي جام فوټبال سیالیو له پاره رغول شوی دی. په دې میدان کې ۴۲ زره تنه په یوه وخت له لوبې له نندارې څخه خوند اخیستلای شي.