«په جګړې کې د ماشومانو پر ضد تاوتریوالی زیات شوی»
۱۳۹۵ خرداد ۱۴, جمعه
اعلان
د ملګرو ملتونو له خوا د ماشومانو او جګړو په اړه د پنجشنبې په ورځ په یوه خپور شوي رپوټ کې راغلي دي چې دې سازمان په ۲۰۱۵ کال کې په افغانستان کې تر بل هر وځت ډیر، د ماشومانو تلفات ثبت کړې دي. ملګري ملتونه له ۲۰۰۹ کال راهیسې په افغانستان کې د جګړو له کبله د ماشومانو رامنځ ته کیدونکي تلفات ثبتوي.
د ملګرو ملتونو سرمنشي بان کیمون، په روپوټ کې ویلي دي چې په سوریې او یمن کې د ۲۵۰۰۰۰ وژل شویو کسانو په ډله کې په زرهاو ماشومان هم شامل دي.
ملګرو ملتونو همداراز په جګړې کې د ښکیلو اړخونو له خوا د ماشومانو په ګومارنه کې د ۲۰۱۴ کال په پرتله پنځه برابره لوړوالی هم تایید کړی ده. په رپوت کې راغلي دي چې په سومالیا کې د تنکیو ځوانانو پر وړاندې په تاوتریخوالي کې ۵۰ سلنه زیاتوالی راغلی دی.