نن په تاریخ کې
۱۳۹۰ آذر ۲۷, یکشنبه
په تاریخ کې د نن ورځې مهمې پیښې:
د ۱۵۵۹م کال پر نن ورځ ،ملکې الزبت اول، د سکاټلنډ هیواد ته مرستې واستولې.
د ۱۸۶۵م کال پر همدې ورځ د امریکا په متحده ایالاتو کې په رسمي توګه غلامي منع کړل شوه.
د ۱۹۵۶م کال پر نن ورځ جاپان د ملګرو ملتونو سره یو ځای شو.
د ۱۹۵۸م کال د دسمبر په اتلسمه لمړنۍ مخابراتي سپوږمکۍ د امریکا په متحده ایالاتو کې په کار پیل وکړ.
د ۱۹۶۹م کال پر همدې ورځ د انګلستان پارلمان د قاتل لپاره د مرګ سزا لغوه کړه.
د ۱۹۷۲م کال پر ننې ورځ د ویتنام په جګړه کې د امریکا متحده ایالاتو په شمالي ویتنام درنه بمباري پیل کړه چې بیا ۱۲ ورځې وروسته دغه بمباري ودرول شوه.
د ۱۹۷۳م کال پر همدغه ورځ سوریې په جینوا کې د منځني ختیځ په اړه د سولې په خبرو اترو کې د برخې اخیستو څخه ډډه وکړه.
د ۱۹۹۹م کال د دسمبر په اتلسمه د تامل پړانګونو له خوا په ځانمرګي برید کې د سري لنکا ولسمشر، چندریکا کوماراټونګا، خپله یوه سترګه له لاسه ورکړه، ۳۳ تنه ووژل شول او نور ۱۳۷ تنه ټپیان شول.
آژانسونه/ سید ریاض
کتونکی: نجیب الله زیارمل