1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ

نن په تاریخ کې

۱۳۹۰ اسفند ۶, شنبه

نن د شنبې ورځ د فبروري د میاشتې ۲۵مه نیټه او د ۲۰۱۲م کال ۵۶مه ورځ ده. د کال پای ته ۳۱۰ ورځې پاتې دي.

https://p.dw.com/p/14A2T
انځور: Stauke - Fotolia

په تاریخ کې د نن ورځ مهمې پیښې:

د ۱۷۱۳م کال پر همدې ورځ د سویډن پاچا چارلس یوولسم، د عثماني امپراطورې له خوا ونیول شو.

د ۱۸۷۰م کال پر ننۍ ورځ هرم روحید ریویل، لمړنۍ تورپوستی وو چې د امریکا د سنا د غړي په توگه ئې لوړه وکړه.

د ۱۹۴۸م کال پر همدغه ورځ په چکوسلواکیه کې کمونستانو کودتا وکړه.

د ۱۹۹۱م کال د فبروري د میاشتې پر ۲۵مه نیټه د عراق ولسمشر صدام حسین خپلو ځواکونو ته له کویت څخه د وتلو امر وکړ. تر دې دمخه په کویت او عراق کې د عراقي ځواکونو پر وړاندي د ایتلافي ځواکونو ځمکني عملیات پیل شوي ول.

د ۱۹۹۵م کال پر همدې ورځ د هند په شمال ختیځ کې د ریل په دوو واگنونو کې چې د پوځیانو له پاره ځانگړې شوې ول، د چاودنو له امله لږ تر لږه ۲۶ سرتیري ووژل شول او نور ۳۰ تنه ټپیان شول.

د ۲۰۰۶م کال پر ننې ورځ د بنگله دیش په مرکز ډهاکه کې د یو شپږ پوړیزي ودانۍ د نړیدو له امله ۲۰ تنه ووژل شول.

د ۲۰۰۸م کال پر همدې ورځ کمونستي مشر دیمیترس کریستوفیاس، د قبرس د ولسمشرې شخړه ییزې ټولټاکنې وگټلې.

د ۲۰۰۹م کال د فبروري د میاشتې پر ۲۵مه نیټه، د ترکي شرکت یوه مسافر وړونکي الوتکه د امستردام د نړیوال هوایي ډگر سره نږدي په پټیو کې کيښناسته. په دغه پیښه کې د دواړو پیلوټانو په شمول ۹ تنه ووژل شول او ۱۲۵ تنه ژوندي وژغورل شول.

د ۲۰۱۰م کال پر همدې ورځ افغان دولت د مارجې په ولسوالې خپل بیرغ ورپاوه.

آژانسونه/ سید ریاض
کتونکی: مسعود جهش