نن په تاریخ کې
۱۳۹۱ خرداد ۱۴, یکشنبه
په تاریخ کې د نن ورځ مهمې پیښې:
د ۱۸۹۶م کال پر همدې ورځ روسیې او چین د ۱۵ کلونو له پاره د دفاعي چارو یو تړون لاسلیک کړ.
د ۱۹۵۹م کال پر نن ورځ سنگاپور خپله خپلواکمني اعلان کړه.
د ۱۹۶۳م کال پر همدغه ورځ پاپ جان درویشتم د ۸۱ کلونو په عمر ومړ.
د ۱۹۷۳م کال پر نن ورځ په فرانسه کې د الوتکو د الوتنې د نندارې د وړاندې کولو پر وخت یوه روسي الوتکه رانسکوره شوه چې په دغه پیښه کې ۱۳ تنه ووژل شول. په وژل شوو کې ۶ تنه د عملی کسان او ۷ فرانسوي وگړي ول.
د ۱۹۸۹م کال پر همدې ورځ چینایي ځواکونو د تیانمن په څلور لارې کې د دموکراسې پلوي غوښتونکو لاریون کوونکو باندې هجوم ور وړ او سلونو تنه ئې ووژل.
د ۲۰۰۱م کال د جون د میاشتې پر دریمه نیټه د نړیوال بانک اقتصاد پوه الیجاندرو تولیدو، د پیرو د ولسمشرۍ ټاکنې وگټلې.
د ۲۰۱۱م کال پر همدې ورځ د یمن ولسمشر علي عبدالله صالح، د یاغیانو په یوه برید کې ټپي شو. دا برید د هغه پر ماڼۍ تر سره شوی وو.
آژانسونه/ سید ریاض
کتونکی: عبدالباري حکیم