هندوستان: ترافیکي پیښې ۴۷ تنه وژلي دي
۱۳۹۱ مرداد ۲۱, شنبهاعلان
د المان خبري آژانس د هندوستان د پولیسو په حواله خبر ورکړی دئ چې د دغه هیواد په شمال کې د یوه سرویس موټر د چپه کیدو له امله ۴۷ تنه وژل شوي دي. دغه پیښه د هیماچل پردیش، په ایالت کې رامنځ ته شوې ده.
د دغه ایالت د پولیشو مشر د المان خبري آژانس ته ویلي دي چې په دغه پیښه کې ۳۹ تنه ځای پر ځای وژل شوي او نورو اتو کسانو بیا وروسته د ټپونو له امله ساه ورکړې ده. د هغه په وینا په پیښه کې نور ۲۵ تنه ټپیان هم دي. زیاته شوې ده چې د پیښې لامل لا معلوم نه دئ او په اړه ئې پلټنې روانې دي.