"پاکستان د بې پيلوټه الوتکو یوازنی تم ځای نه دی"
۱۳۹۰ تیر ۱۵, چهارشنبهدغه امريکاي چارواکو رويترز خبري آژانس ته ويلي.« له دغه ځايه به عمليات په مکمله توګه دوام ومومي او امريکا په پاکستان کي د ترهګرۍ پر ضد ګډي مبارزه کي د عملياتو ملاتړې ده.»
هغه زياته کړي:« که چيري د کوم دليل له مخه دغي اډه د نورو عملياتو له پاره موجوده نه وه نو نوري لاري سته چي دغه پروګرام به ادامه ولري، ترڅو اورپکي او القاعده تر فشارلاندي وساتل سي.»
د پاکستان قبايلي سيمي په دي مشهوري دي چي هلته اورپکي او القاعده پاخه سنګرونه لري، د امريکا متحده ايالاتو د پاکستان څخه څو څو واري غوښتي چي ځمکني عمليات تر سره کړي.
د واشنګتن پوسټ ورځپاڼي د شنبې په ورځ په يو راپور کي ليکلي و، چي سي آي اي ۳ مياشتي وړاندي د نوموړي اډې څخه فعاليتونه درولي ول. خو امريکاي چارواکي ويلي چي د بې پيلوټه الوتکو په بريدونو کي وقفه په پاکستان کي د سي آی اې د اجير مامور د نيول کيدو پر سر د ترينګلتيا را منځ ته کيدل ول.
امريکايي چارواکو ويلي چي په شمسي پوځي اډه کي به د سي آی اي او پاکستاني مامورين پر ځای پاته وي او د بې پيلوټه الوتکو د پروازونو له پاره به دغه پوځي اډه خلاصه وي.
لکه څنګه چي واشنګټن غواړي چي د پاکستان رضايت پکښي شامل وي په دغه عملياتو کي به د پاکستان ونډه وساتل سي.
دوو نورو امريکايي چارواکو ويلي دي، چي د امريکا متحده ايالات د پاکستان څخه د باندي په افغانستان کي په کافي اندازه زيربناوي لري. يو بل امريکايي چارواکي بيا ويلي چي د اورپکو پر ضد د بې پيلوټه الوتکو د بريدونو له پاره د بحري بيړيو څخه هم کار اخيستل کيدای سي.
د تير کال راهيسي د پاکستان او د امريکا متحده ايالاتو اړيکي هغه مهال خړي پړي سوې، کله چي په پاکستان کي د سي آی اي د ځايي مشر نوم په ورځپاڼو کي بربنډ سوو.
دغه اړيکي بيا نوري هم هغه وخت خرابي سوې، چي کله د سي آی اي اجير مامور په رڼا ورځ دوه پاکستاني ملکي وګړي ووژل، او پلازمېني اسلام آباد ته څيرمه اسامه بن لادن ووژل سو.
د يکشنبې په ورځ د پاکستان لومړي وزير يوسف رضا ګيلاني ويلي ول چي د دوی دولت هيڅکله د امريکا متحده ايالاتو ته اجازه نه ده ورکړې چي د پوځي اډې څخه دي د بې پيلوټه الوتکو له پاره کار واخستل سي.
تر دې د مخه د پاکستان د دفاع وزير هم ويلي ول چي دوی د امريکا د متحده ايالاتو څخه غوښتي چي د شمسي پوځي اډې څخه خپلي زيربناوي لري کړي.
آژانسونه/ سيد رياض
کتونکی: نجيب الله زيارمل