په آلمان کې د پناه غوښتنې چارې شاوخوا ۱۱ مياشتې دوام کوي

په آلمان کې پناه غوښتونکي بايد خپلو د پناه غوښتنو په اړه تصميم نيونې ته په اوسط ډول ۱۱،۷ مياشتې انتظار وباسي. د آلمان د مهاجرت اداره د دغې مودې د اوږدوالي په اړه دوه لاملونه په ګوته کوي

په آلمان کې د مهاجرو د پناه غوښتنې درخواستونو ته د رسيدګۍ موده په ۲۰۱۷ کال کې د ۲۰۱۶ کال په پرتله د پام وړ اوږده شوې ده. هغه وخت مهاجر اړ ول چې د پناه غوښتنو په اړه يې د اړونده چارواکو تصميم نيونې ته په اوسط ډول تر ۷،۱ مياشتې پورې انتظار وباسي. دغه مطلب آلمانۍ ورځپاڼې «نوير اوسنابريوکه څايتونګ» د آلمان د مهاجرت ادارې په حواله په خپل يو رپوت کې بيان کړی دی. په ۲۰۱۵ کال کې د مهاجرت له کړکيچ څخه راوروسته، د مهاجرو دوسيو ته د رسيدګي موده اوږده شوې ده، آن تر دې چې د ۲۰۱۷ کال په می مياشتې کې تر ۱۱،۱ مياشتې ته رسيدلې وه. په ۲۰۱۵ کال کې د يوه مهاجر دوسيې ته رسيدګي ۵،۲ مياشتې وخت نيوه.

په دې ترتيب، د دغه بهير اوږديدل د مهاجرو دوسيو د لا ډيريدو او د مواردو د پيچلي کيدو په توګه ياد شوي دي. د آلمان د مهاجرت ادارې (BAMF) ويلي دي: «درخواستونو ته د رسيدګۍ مودې د اوږديدو يو لامل، هغو مواردو ته رسيدګي او پای ورکول ده کوم چې د اوږدې مودې راهيسې رسيدګۍ ته د انتظار په حال کې پاتې شوي دي.» دغه امر يوازې د آمارو له مخې د پام وړ زياتيدو سبب واقع شوی دی. يادې ادارې همدا راز ويلي دي: « هغه پيچلي موارد چې څيړنو او يا هم طبي رپوټونو ته اړتيا لري، په طبيعي ډول ډير وخت نيسي.» د مهاجرت ادارې د معلوماتو له مخې، ډیری وخت د مهاجرو د دوسيو د څيړنو پر وخت داسې حالات رامخته کيږي چې مهاجر يا پاسپورت او يا هم نور اسناد په اختيار کې نه لري. د مهاجرت د ادارې په وينا، دغه ډول حالات په خپله د دې لامل واقع کيږي چې د مهاجرو درخواستونو ته رسيدګي ډير وخت ونيسي.

Flüchtlingsheim - Berlin-Hellersdorf

په برلين کې د مهاجرو يو هستوګنځای 


د بيلګې په توګه د نايجريا هيواد مهاجرو دوسيو ته رسيدګي (۱۴،۴مياشتې) او د سوماليايي مهاجرو دا بیا (۱۳،۶ مياشتې) دوام پیدا کوي. له بلې خوا، د آلمان د مهاجرت ادارې د هغو مهاجرو دوسيو څيړنې ته لمړيتوب ورکړی دی، کوم چې هيوادونه يې په کورنيو جګړو کې ښکيل دي. په دې اساس د سوريايي مهاجرو دوسيو ته رسيدګي ۷ مياشتي وخت نيسي. په همدې ترتيب د اريتريا هيواد مهاجرو درخواستونه ۸،۳ او د عراقي مهاجرو ۹،۱ مياشتې وخت نيسي. خو د مهاجرو دوسيو په اړه د څيړنې نوي سيستم له مخې، هغه درخواستونه چې په ۲۰۱۷ کال کې وړاندې شوي دي، د رسيدګۍ موده يې په اوسط ډول دوه مياشتې وخت نيسي.

د يادې آلمانۍ ورځپاڼې د ر پوت په حواله، که څه هم د آلمان د مهاجرت اداره، په ترکيه کې د ۲۰۱۶ کال د جولای مياشتې تر ناکامې کودتا وروسته، د ډیريو ترکانو د پناه غوښتنې ردوي خو بيا هم اکثرو ترکي پناه غوښتونکو ته په آلمان کې پناه ورکړل شوې ده. د ترکي اتباعو د حفاظت ميزان د ۲۰۱۷ کال د نوامبر مياشتې په پاې کې شاوخوا ۲۷ سلنه ښودل شوې ده، په داسې حال کې چې دغه ارقام په ۲۰۱۶ کال کې یوازې په ۸،۲ سلنه کې قرار درلود. د آلمان د مهاجرت ادارې له جنورۍ څخه د نوامبر مياشتې تر پايه پورې په ټوليزه توګه د ترکانو ۱۱ زره او ۷۱۲ دوسیو په اړه خپلې پريکړې اعلان کړي دي. دغه ارقام د ۲۰۱۶ کال په پرتله چې ۱۸۳۷ وو، په ښکاره توګه ډير لوړ شوي دي. د مهاجرت ادارې د ترکي اتباعو د قبولۍ او يا رديدو په اړه څه نه دي ويلي. خو د دغو ټولو حالاتو سره سره، ټينګار کوي چې د هرې دوسيې په تړاو پريکړې په انفرادي توګه ترسره کيږي.

د موضوع په تړاو زموږ له آرشيف څخه يو انځوريز البوم:

سياست

ګينه

د ۲۰۱۶ کال په دوو لمړيو مياشتو کې ۷۶۳ او د ۲۰۱۷ کال په همدې موده کې ۲۰۹۲ تنه مهاجر

سياست

نايجريا

د ۲۰۱۶ کال په دوو لمړيو مياشتو کې ۱۶۱۸ او د ۲۰۱۷ کال په همدې موده کې ۱۶۸۷ تنه مهاجر

سياست

د عاج ساحل

د ۲۰۱۶ کال په دوو لمړيو مياشتو کې ۷۳۸ او ۲۰۱۷ کال په همدې موده کې ۱۶۴۵ تنه مهاجر

سياست

بنګلادیش

۲۰۱۶ کال کې صفر او ۲۰۱۷ کال کې ۱۳۰۳ تنه مهاجر

سياست

ګامبيا

د ۲۰۱۶ کال په دوو لمړيو مياشتو کې ۱۴۰۲ او ۲۰۱۷ کال په همدې موده کې ۱۲۴۴ تنه مهاجر

سياست

مراکش

د ۲۰۱۶ کال په دوو لمړيو مياشتو کې ۴۹۴ او ۲۰۱۷ کال په همدې موده کې ۹۷۷ تنه مهاجر

سياست

مالي

د ۲۰۱۶ کال په دوو لمړيو مياشتو کې ۷۹۳ او ۲۰۱۷ کال په همدې موده کې ۶۴۵ تنه مهاجر

سياست

سينیګال

د ۲۰۱۶ کال په دوو لمړيو مياشتو کې ۸۹۹ او ۲۰۱۷ کال په همدې موده کې ۱۲۱۵ تنه مهاجر

سياست

عراق

د ۲۰۱۶ کال په دوو لمړيو مياشتو کې صفر او ۲۰۱۷ کال په همدې موده کې ۲۷۵ تنه مهاجر

سياست

پاکستان

د ۲۰۱۶ کال په دوو لمړيو مياشتو کې ۶۱ او ۲۰۱۷ کال په همدې موده کې ۲۷۲ تنه مهاجر

سياست

پاتې نور هيوادونه

د ۲۰۱۶ کال په دوو لمړيو مياشتو کې ۲۳۳۷ او ۲۰۱۷ کال په همدې موده کې ۲۰۸۵ تنه مهاجر

سياست

۹۵ سلنه مهاجر د لیبياي سواحلو څخه ليبيا ته راغلي

دغه شميره په ۲۰۱۶ کال کې ۸۷۸۰ او ۲۰۱۷ کال کې ۱۲۸۲۹ تنه ثبت شوې ده.

سياست

اوبو کې د مړه شويو شمیر

د ۲۰۱۷ کال د دوو لمړيو مياشتو په منځ کې ۴۸۷ تنه مهاجر په سمندر کې ايټاليا ته د راتلو پر وخت ډوب او مړه شوي دي.

سياست

سرچينې:

دغه معلومات د ملګرو ملتونو د مهاجرت نړيوالې ادارې په ويب پاڼه کې د خپاره شويو ارقامو په حواله دي. انځورونه د دويچه ويله آرشیف.