په المپايي لوبو کي د سروزرو مډالونو امیدونه

دغه ۳۰ کلنه په آلمان کی د پنځو عصری لوبو ورزشکاره ده. په ۲۰۰۸م کال کی یې په پیکنگ کی د نېره غورځولو، لامبو، آس ځغلوني، نخښه ويشتني او ځغاستي په برخه کي د سرو زرو مډالونه وگټل. خو څلور کاله وروسته یی په لندن کی ډیر بری تر لاسه نه کړ او مایوسه سوه. په ۲۰۱۵م کال کي د لومړي وار له پاره نړیواله اتله سوه. هغې د ریو د لوبو له پاره ښه تیاری نیولی دی.

زبستیان بریندل له کلونو راهیسی نړیوال اتل، د اروپا اتل او همدارنگه د المپیایی لوبو اتل پاته سوی دی. دغه اته ویشت کلن د ریو دي ژنیرو اتلولیو ته په کتو سره په ډیر جرأت سره وايي چي زه به بیا هم لوبه وگټم.

له هغه وروسته چي دغي لوبډلي په ۲۰۱۶م کال کي په پولند کي د اروپا اتلولي وگټله، اوس نو باید په برازیل کی هم ښه وځلیږي. ددغه ټیم ترینر داگور زیگوردسون، غواړی د هندبال په برخه کي آلماني ځوانان تر برازیل پوري بدرگه کړي. نوموړي ټیم په دې ونه توانید چی په لندن کي د ۲۰۱۲م کال په لوبو کي گډون وکړي.

آیا هغه به بیا هم لکه څلور کاله مخکي په لندن کي له ډیري خوشحالیه خپل تریکو څیري کړي؟ پوښتنه داده چی د دغه ۳۱ کلن سالم بدن به ورسره ملتیا وکړی او که څنگه؟ دا ځکه چي هغه د ملا د درد له امله ډیر وخت تمرین نه دی کړی. هارتینگ وایی چی زه باید ځان له سره تکړه او قوي کړم.

د نړیوالو لوبو په فاینل کي دغه آلماني ټیم له بریتانیا څخه مخکی سو. آلمانی ترینر رالف هولتمایر، وایی چي موږ پر ځان باندي په اعتماد لرلو سره د برازیل په اتلولۍ کي گډون کوو. په لندن کی نوموړي ټیم په ۲۰۱۲م کال کی د سرو زرو مډال گټلی ؤ.

د آسترالیا په ویمبیلدون کي د فاینل لوبو په ترڅ کي ۲۸ کلنه انگیلیکه کیربر، پس له ډیرو هلو ځلو نژدې ؤ چي له سیرینا ویلیم څخه لوبه گټلې وای. ښايي دا ځل وکولای سي د دوهم مقام دغه گټونکې، په ریو کي د المپیایی لوبو اتله سي.

د اروپایی اتلولۍ دغه ۳۰ کلنه اتله مخکی له مخکی وایی چی زه غواړم د اروپایی اتلولۍ مقام دلته هم په لاس راوړم. په امستردام کي د اروپايي اتلولۍ او په ۲۰۱۵م کال کي په پیکنگ کي هغې د غونډاري غورځولو په برخه کي لومړی مقام تر لاسه کړ. نو ښایی د المپایی لوبو د اتلولۍ کپ هم د هغې په برخه سي.

په اوس وخت کی نوموړی ۲۷ کلن له نژدې شلو کلونو راهیسی د غیږ ايستلو په برخه کي لومړنی آلمانی اتل شمیرل کیږي. هغه وایی چی زه غواړم تر ټولو ښه اوسم. نو دا به د تعجب ځای هم نه وی چي هغه به د ریو د اتلولیو په پای کي لومړی مقام هم تر لاسه کړي.

د المپیايي لوبو گټل به د آلماني ټیم د ترینرې سیلویا ناید، له پاره د هغې د کار د پای ته رسیدو په برخه کي یوه ښه ډالۍ وي. هغه غواړي په ریو کي د المپيا تر اتلولیو وروسته د ترینري په توگه خپله دنده پریږدي او هغه شتیفی یونس ته وسپاري. د نارینه وو فوټبالرانو برعکس په لوبه کولو کي د ښځینه فوټبالرانو د سن وسال حد په نظر کي نه نیول کیږي.

دغه ۲۶ کلن تصادفاتو ته ځان نه سپاري. مارکو کوخ د ریو دي ژنیرو په المپیايي لوبو ته په آزادو حوضونو کي د لامبو د تمرین له لاري ښه تیاری نیولی دی. د څّه د پاسه ۲۰۰ متره لامبو دغه نړیوال اتل د سرو زرو د مډال د تر لاسه کولو په برخه کی مناسب کاندید بلل کیږي.

د نړیوالو لوبو د دوهم مقام درلودونکی دغه اتل وايي چي زه نه غواړم یوازي په دغو لوبو کي برخه واخلم، بلکي غواړم چي یو مډال هم تر لاسه کړم. فیلیپ بوهل ته د ریو په المپیايي سياليو کي اته نور سیالان هم انتظار باسي. په دغو سياليو کي د بدن غښتلتیا هم مهم رول لوبوي.

د آس ځغلونې په برخه کي کریستینا برورینگ شپرې د ښه چانس درلودونکې ده چي په برازیل کي په المپیایی لوبو کي د سروزرو مډال په لاس راوړي. د نوموړي آلماني ټیم په ۲۰۱۲م کال کي کوربه لوبډلې بریتانیا ته ماته ورکړه. مخکي تر دې هم دغه ټیم اوه واره په پرله پسې ډول د المپیايي لوبو اتل گرځیدلی دی.

توماس روهلر، په امستردام کي د اروپايي اتلولۍ په لوبو کي پنځم ځای ترلاسه کړ. خو د جون په آخره کي یې د فنلند په تورکو کي د اول وار له پاره د ۹۱ اشاریه ۲۸ متر په واټن د نیزې غورځولو په برخه کي ډیر ښه وځلید. نوموړي ۲۴ کلن په ریو کي المپیايي لوبو ته ښه تیاری نیولی دی.

له هغه وروسته چي د گولف په برخه کي د نړۍ تر ټولو درو تکړه ورزشکارانو ونه غوښتل د په المپيايي لوبو کي برخه واخلي ، د آلماني ستوری مارتین کېمر چانس نور هم ډیر سو. د هغه د ټیم د همکارا په حواله، نوموړی دیرش کلن په برازیل کي د زیکا په نامه ویریوس څخه کومه بیره نه لري.

په ۲۰۰۸م کال کي په پیکنگ کي د ژیړو او په ۲۰۱۲م کال کي یې د لندن په لوبو کي د سپینو زرو مډالونه گټلی دي. په دې ډول نو هغه باید د برازیل په لوبو کي د سرو زرو مډال په لاس راوړي. که څه هم نوموړي ورزشکار په اول سر کي د اوږې درد درلود خو بیا یې هم وکولای سول د ریو المپیایی لوبو ته ځان کاندید کړي.

د جرمنی د هاکي ملي لوبډله په تیرو څلورو وروستیو المپیايي لوبو کي یو د ژیړو او درې د سرو زرو مډالونه گټلي دي. په ۲۰۱۲م کال کي یې په لندن کي په المپیايي لوبو کي لومړی مقام تر لاسه کړ او روسته هم ښه وځلید.