په امريکا کې غيرقانوني مهاجرين وهل کيږي؟
۱۳۸۵ بهمن ۱۱, چهارشنبه
د امريکايي ورځپاڼې »واشنگټن پست« د خبرله مخې، د امريکا د متحده ايالتونو د کورني امنيت وزارت اعتراف کړيدی چې دولتي اداروڅوتنوزنداني غيرقانوني مهاجرينوته، په سم وخت د طبي درملنې له امکان ورکولونه ډډه کړيده. سربيره پردې د دغوزنداني مهاجرينوپرخلاف ډسيپليني اقدامات شوي، پرته لدې چې دليل يې وويل شي او د هغوۍ خپلوانواومدافع وکيلانوته د هغوۍ د ليدولپاره په کافي کچه امکان ندی ورکړ شوی.
دغه راپورهغه وخت د شورماشورسبب شو، کله چې معلومه شوه چې د زنداني غيرقانوني مهاجرينوشمير په ښکاره توگه لوړشويدی.
پرراپورباندې نيوکې
نيوکې کونکي د جورج ډبليو » بوش « پرحکومت باندې تورلگوي چې په خپل راپورکې په زندانونوکې حالت بې ضرره ښيي. د نيوکې کونکو د څرگندونوله مخې، د موضوع د څيړنې پايلې مأيوسه کونکي دي او تر ټولو لوی اوسخت تورونه اصلاً ندي يادشوي. د بيلگې په توگه زندانيان وهل شوي هم دي اوپه کافي کچه خواړه ندي ورکړل شوي. سربيره پردې بايد دغه غيرقانوني مهاجرين له معمولي جانيانوسره په يوې کوټې کې واوسيږي.