په بلخ کې د سوداگرو مېرمنو وضعیت ښه شوی دئ
۱۳۹۱ شهریور ۱۳, دوشنبهد بلخ ولایت د ښځو د چارو ریاست د مسئولینو په وینا دوی د یو شیمر بهرنیو موسسو په مالي ملاتړ اوسم په مزاشریف کې صنعتګرو او سودا ګرو مېرمنو ته په بیلا بیلو برخو کې ۵۰ پروژې ترلا س لاندې لري.
په بلخ ولایت کې یو ش مېر مېرمنې له څو کلونو راهسې په لاسي صنایعو او نورو اقتصادي برخو کې ښه فعالیت لري.
د دغه ولایت د سوداګرو ښځو د چارو رئیسه فریبا مجید، وایي هغه ارزونۍ چې په دې وروستیو کې په دغه ولایت کې د سودا ګرو مېرمنو د توانمندۍ په برخه کې شوي دي، ښیي چې هغوی پخپلو صنعتي او سودا ګریزو فعالیتونو کې ښې لاس ته راوړنې لري.
د مېرمنو د تولیداتو د خرڅلاو له پاره په مزاشریف کې دوه ځانګړي مارکیټونه هم شته چې د ۵۰ په شاوخوا کې دوکانونه لري او دوکاندارانې ئې هم مېرمنې دي.
په «باغ زنانه» مارکیټ، کې رخسار هغه مېرمن ده چې په وینا ئې خپله د لاسي تولیداتو یوه ټولنه لري چې نزدې سل تنې مېرمنې پکشې په کار بوختې دي.
دغه مېرمن زیاتوي چې پخوا د دوی تولیداتو بازار نه درلود خو اوس د دوی د تولیداتو ډیره برخه له هیواد څخه د باندې او یا هم نورو ولایتونوته وړل کیږي او همدا لامل دئ چې د دوی د لاسي صنایعو تولیداتو هم وده کړې ده.
له بلې خوا د بلخ ولایت د ښځو د چارو د ریاست د فرهنګي څانګې مدیره مسعوده مولوي زاده، وایي چې دوی د مېرمنو د خود کفایې له پاره په بیلا بیلو برخو کې د زده کړو پروګرامونه هم تر لاس لاندې لري.
د سوداګرو ښځو د کیمټې مسئولین وایي چې که چیرې په دغه ولایت کې ولایت کې دولت او مرستندویه ټولنې د خپل ملاتړ کچه لوړې کړي، نو دوی به یو شمېر نورو مېرمنو ته د کار کولو زمینه برابره کړي.
عبدالحمید صافی/ مزاشریف
کتونکی: سید ریاض